तीन बहिणीच्या हाती
नांगराचे झुले सळे
हाकताहे विरांगणा
तुतारीने रेडे भोळे..
रोवणीच्या हंगामाला
पाणी बरसला नाही
हरसालाचे दुखणे
रांगताहे दारी काही..
रानवाटेच्या पल्ह्याड
माणसांच्या पुढे बाई
शेत शिवारात गाणे
धान पेरणीचे गाई..
आधुनिक तंत्रज्ञान
असो कुणा लखलाभ
पोट जगतील असे
दाणे भरतील नभ..
लेकी मोठ्या गुणवान
झोपडीत लावी दिवा
माती हिरवी नटते
हिच्या हाती रानमेवा..
- अविनाश पोईनकर
हेमलकसा, १९ जुलै २०२१
कोई टिप्पणी नहीं:
एक टिप्पणी भेजें