माझ्या हाताची ताकद
तुझ्या हाताला जुळू दे
दोन तिराच्या काठाला
एक सांकव फळू दे...
खाचखळग्याची वाट
दिली जन्माने आंदण
बरसातीच्या दिसात
दिसे तुडुंब पांदण...
नदी नाले बारमाही
पशु पक्ष्यांची खदान
थडीपल्ह्याड पोचून
कसे काढायचे धान.. ?
असे दुरच्या गावात
मला माझी प्रिय शाळा
दोन गावाच्या हिताला
दोन थेंब घाम गाळा...
श्रम संस्कृती विशाल
तसे मन आभाळाचे
याहो पेरमा-भुमीया
गाव गावाला जोळाचे...
बांबू अन् ताटव्यांचे
जणू लाकडांचे फुलं
दरसाल जन्म घेतो
दोन गावांमध्ये पूल...
- अविनाश पोईनकर
कोई टिप्पणी नहीं:
एक टिप्पणी भेजें