💕तुझ्यासाठी जीव...

========================

धडधड करताहे ह्या ह्रदयाच्या नसा
तुझ्यासाठी जीव गडे झाला वेडा पिसा

ओठाची गं पडझड जिभेवर नाव
पापणीच्या काठावर ओलावते भाव
मोकळे ते खुलणारे मोरपंखी केस
भास जसा गालावर हात लावतेस
दूर नको जावू संग राहण्याचा वसा...

भेटलीस जशी जणू विचाराचे थवे
भले बुरे भान संगे जगण्याला हवे
हातामध्ये हात गडे मुठीमधी जान
आणि तुझा माझा बहरावा स्वाभिमान

जिंदगीच्या मातीवर पावसाचा ठसा...


झुळझुळ वा-याचे ते संगीत बावरे
श्वास माझा सैरावैरा तुझ्यासाठी बरे
आडोश्यात लाजतेस संसाराची आस
जुळू दे गं तुझी माझी जन्मोजन्मी रास
अंतरंग शहारले बघ मनाचा आरसा...

 -अविनाश पोईनकर   

  बिबी, जि.चंद्रपूर    

   ७३८५८६६०५९

==========================